Barça i rikthehet fitoreve, dhuron spektakël kundër Valencias në Camp Nou

Barcelona ka shënuar fitore në ndeshjen e sontme kundër Valencias në ndeshjen që u zhvillua në kuadër të xhiros së katërt në La Liga.

Katalanasit shënuan që nga fillimi i ndeshjes dy gola në mënyrë të shpejtë, ku golashënues ishin Ansu Fati dhe Frenkie de Jong.

Më pas, erdhi një gol nga Valencia që krijuan një lloj shprese për një remuntada, mirëpo kjo nuk rezultoi në atë që menduan te mysafirët, kjo për faktin se skuadra e Valverdes shënoi edhe tre herë tjera në pjesën e dytë.

Në fund, Valencia shënoi edhe njëherë për t’a përmbyllur ndeshjen për 5 – 2.