Deklarata e Barcelonës për lëndimin e Lionel Messit

Lionel Messi është detyruar të dalë nga fusha pas pjesës së parë në ndeshjen e luajtur të martën ndaj Villarrealit.

Sulmuesi argjentinas ka ndjerë dhimbje në kofshë dhe trajneri Ernesto Valverde e ka zëvendësuar duke mos rrezikuar që dëmtimi të përkeqësohej.

Klubi i Barcelonës ka dalë me një deklaratë zyrtare për gjendjen e argjentinasit.

“Lojtari i ekipit të parë Lionel Messi ka tërheqje muskulore në kofshën e majtë. Është një tërheqje e vogël dhe rikthimi i tij do të varet nga faza e riaftësimit”, thuhet në njoftim.

Ndeshja ndaj Villarrealit ishte e para si startues për Lionel Messin këtë edicion, ku Barcelona e fitoi ndeshjen me rezultat 2-1.