Ka ardhur koha për gala-në vjetore të FIFA-s, ku do të dihen emrat e lojtarëve më të mirë të sezonit. Këtë të hënë pasdite, në Teatro alla Scala në Milano, do të zhvillohet ceremonia tradicionale, përcjellë Barcelona.al.
Dhe siç ndodh shpesh, do të ketë përfaqësues të Barçës.
Lionel Messi është nominuar edhe një herë për çmimin më të rëndësishëm nga të gjithë: Më i miri. Së bashku me Cristiano Ronaldo (Juventus) dhe Virgil van Dijk (Liverpool), ai do të zbulojë se kush ishte futbollisti më i mirë i sezonit 2018/19.
Argjentinasi gjithashtu aspiron të fitojë çmimin Puskas, dhënë për golin më të mirë të sezonit. Në këtë kategori, ai është kundër kolumbianit Juan Fernando Quintero dhe hungarez Daniel Zsóri, përcjellë barcelona.al.
Marc-André ter Stegen është nominuar për çmimin e Portierit më të Mirë, krahas portierëve të Premier League, Alisson Becker (Liverpool) dhe Ederson (Manchester City).
Të dy, Ter Stegen dhe Messi janë gjithashtu midis 55 lojtarëve që mund të jenë pjesë e FIFA FIFPro World11, skuadra më e mirë e sezonit. Piqué, Jordi Alba, Sergio, Rakitic, Arturo Vidal, Arthur dhe Luis Suárez, si dhe De Jong dhe Griezmann, të cilët luajtën në Ajax dhe Atlético Madrid përkatësisht sezonin e kaluar, janë gjithashtu me një shans për t’u përfshirë./Barcelona.al/
GIPHY App Key not set. Please check settings