in

Barcelona planifikon kontratë të përjetshme me Messin për të qëndruar në Camp Nou

Loading...

Barcelona planifikon të rinovojë kontratën e lojtarit të tyre kryesor, Lionel Messi, për pjesën e mbetur të karrierës së tij.

Sipas mediumit Cadena Ser, presidenti i Blaugranëve, Josep Maria Bartomeu, thuhet se ka ndërmend të zgjasë kontratën e sulmuesit argjentinas deri pas Kupës së Botës 2022.

Bartomeu dhe Jorge Messi, babai dhe agjenti i lojtarit, nuk janë ulur për të folur kohëve të fundit, por presidenti thuhet se ka ndërmend të zgjidhë këtë çështje sa më shpejt të jetë e mundur.

Kohëve të fundit, Messi tha se ai nuk ka folur me Bartomeun që nga eliminimi në Ligën e Kampionëve nga Liverpooli gjashtë muaj më parë, por shtoi se ai ishte i hapur për të diskutuar për rinovimin.

Barça dëshiron të mbyllë rinovimin sa më shpejt që është e mundur, megjithëse në klub mendojnë se do të jetë Messi ai që vendos kur të bëhet rinovimi.

Ata duan t’i ofrojnë Messit një kontratë të përjetshme, që tejkalon futbollin, i cili përfshin lidhjen midis markës “Messi” dhe Barcelona për të paktën dhjetë vjet.

32-vjeçari ka luajtur për gjigantët katalunas në 16 sezone radhazi dhe ka shënuar 604 gola të mrekullueshëm – një rekord klubi – në 692 paraqitje për ekipin.

Messi ka fituar 34 trofe me Blaugranët përfshirë 10 tituj të La Ligës, katër kurora të Ligës së Kampionëve dhe gjashtë trofe të Copa del Rey.



Loading...

Si do ta vlerësoni këtë lajm?

Komentet

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Po ngarkohet...

0
0

Barcelona është nikoqire e premierës botërore ‘Messi10’

Mbappe dhe Kane në listën e Barcelonës