La Liga
Në trend

Dani Alves është futbollisti i parë që fiton 40 trofe

Dani Alves është bërë futbollisti i parë që i fiton 40 trofe, pas triumfit të Brazilit në Copa America kundër Perusë.

36-vjeçari, i cili ishte kapiten i përfaqësueses së tij, njëherësh u shpall edhe lojtari më i mirë i turneut që u mbyll me fitoren e Selecao me rezultat 3-1 në stadiumin ikonik, Maracana.

Brazili ishte nikoqir i këtij turneu, ndërsa ky ishte triumfi i parë që nga viti 2007 dhe shënon një arritje të madhe, pas dështimit zhgënjyes në Kampionatin Botëror të vitit 2014, në të cilin ishin po ashtu nikoqirë.

Dani Alves është futbollisti i parë që fiton 40 trofe
Dani Alves është futbollisti i parë që fiton 40 trofe

Ky ishte trofeu i katërt me kombëtaren për Alves, i cili i ka fituar edhe dy Kupa të Konfederatave dhe tash dy trofe të Copa America.

Ai i fitoi pesë trofe me Sevillan, para se të transferohej te Barcelona në vitin 2008. Në tetë vitet e qëndrimit në Camp Nou fitoi shumicën e trofeve të tij, plot 23.

Dani Alves (Foto: Buda Mendes/Getty Images/Guliver)

Braziliani kaloi te Juventusi në vitin 2016, ku e fitoi titullin dhe Kupën e Italisë, ndërsa pas një sezoni u transferua te Paris Saint-Germaini.

Në Francë, ai i grumbulloi gjashtë trofe, ndërsa tash është lojtar i lirë dhe pritet të shihet se ku qëndron e ardhmja e tij dhe se a do të shtohet numri i trofeve në sirtarin e Dani Alves. 

Më shumë

Artikuj të ndërlidhur

Leave a Reply

Your email address will not be published. Required fields are marked *

Back to top button