Juventusi e ka mposhtur Barcelonën në Camp Nou me rezultat 3-0 në kuadër të javës së fundit të fazës së grupeve të Ligës së Kampionëve.
Me këtë fitore të thellë Juventusi ia rrëmben edhe pozitën e parë, fal fitores më të thellë si mysafir, pasi Barca e kishte mposhtur në ndeshjen e parë 3-0.
Të dy klubet kanë kaluar tutje, duke tubuar nga 15 pikë në grupin e tyre.
Zonja e Vjetër e ka nisur shumë mirë ndeshjen, duke fituar penallti që në minutën e 11-të.
Ronaldo depërton në zonë, pengohet nga një mbrojtës katalanas dhe gjyqtari vendos për penallti.
Ishte vetë Cristiano Ronaldo që u ktheu në gol penalltinë për 1-0.
@Cristiano is on the board early! @juventusfcen (+235) up 1-0 early pic.twitter.com/DX9zofXet7
— LNT (@LNTsportsnet) December 8, 2020
Se Juventusi kishte ardhur të fitonte tregon edhe aksioni në minutën e 20-të kur rezultati shkoi në 2-0 .
Weston McKennie, what a finish 🔥🔥🔥 pic.twitter.com/s9fqslKa0Y
— Future USMNT (@FutureUsmnt) December 8, 2020
Një kombinim i bukur mes Juan Cuadrados dhe Weston McKennie, ku ky i fundit me një goditje akrobatike shënoi një gol shumë të bukur.
Barcelona kishte dy raste të mira në këtë pjesëlojë me Lionel Messin, por që në të dyja rastet Gigi Buffon ishte në vend.
Në pjesën e dytë, Juve sërish e nisi furishëm.
Ne minutën e 50-të mbrojtësi Clement Lenglet luajti me dot në zonë dhe gjyqtari akordoi penallti pasi shikoi videon në VAR.
Ronaldo sërish ishte i saktë për 3-0 nga pika e bardhë në minutën e 52-të.
@Cristiano scores his second goal on a second penalty call! @juventusfcen (+235) is running away with it up 3-0 in the 55th minute! pic.twitter.com/JobqlRS9F9
— LNT (@LNTsportsnet) December 8, 2020
Barcelona kishte dy raste të mira me Antoine Griezmann dhe Messin, por pa sukses, pasi njëri goditi jashtë, ndërsa gjuajtjen e argjentinasit e priti Buffon.
Në minutën e 75-të Juventusi e gjeti edhe golin e katërt me Leonardo Bonuccin, por pas rishikimit të VAR, ai u anulua për pozitë jashtë lojës.
Në minutat e fundit Barcelona ishte e tëra në sulm, por që edhe përkundër gjysmë rasteve nuk arritën të shënonin.
Juventusi e mbyll si lider grupin me 15 pikë, aq sa Barcelona, që ka po kaq pikë.
GIPHY App Key not set. Please check settings