in

Oh kukuOh kuku Më pëlqenMë pëlqen

Messi zbulon golin më të mirë, momentin më të keq në karrierë dhe vështirësitë në përballjet me klubet angleze

Messi zbulon golin më të mirë, momentin më të keq në karrierë dhe vështirësitë në përballjet me klubet angleze

Lionel Messi ka zbuluar se goli i shënuar në vitin 2009 ndaj Manchester Unitedit me kohë, është më i bukuri deri më tani në karrierën e tij, ndërsa ka treguar edhe për kundërshtarin më të vështirë, trajnerin më të mirë dhe shumë gjëra të tjera.

Kapiteni i Barcelonë shënoi golin vendimtar të natës, duke e fituar kupën e dytë evropiane me golin e shënuar me kokë në portën e Djajve të Kuq në finalen e zhvilluar në Romë që përfundoi 2-0.

Në një intervistë për RAC1, pesë herë fituesi i Topit të Artë ka zbuluar shumë gjëra interesante për karrierën e tij.

“E kam thënë disa herë se goli i shënuar ndaj Manchester Unitedit në finalen e zhvilluar në Romë, është më i bukuri në karrierën time”, ka thënë Messi.

Argjentinasi ka thënë se nuk ka pasur ndonjë mbrojtës që i ka vështirësuar punët, mirëpo ka deklaruar se kundërshtarët anglezë për të kanë qenë të vështire gjithmonë.

“Nuk mund të them emrin e ndonjë mbrojtësi, por aty ishin skuadra të vështira, si për shembull ato angleze që janë të forta fizikisht dhe psikologjikisht. Futbolli tani po bëhet taktikisht më i vështirë dhe më i shpejtë”.

“Messi ka thënë se në aspektin e kombëtareve, Spanja ka qenë kundërshtari i tyre më i vështirë, sidomos në vitin 2010 kur janë përballur në stadiumin e Atleticos.

“Kombëtarja e Spanjës, ne zhvilluam një lojë në stadiumin e Atleticos (2-1 fitoi Spanja)”.

“Maradona ishte trajneri ynë dhe Spanja kishte fituar Kupën e Botës në vitin 2010, e që ishin shumë të motivuar ndaj ne. Ishte një ndeshje që më befasoi më së shumti”.

Ndeshja që e ka shijuar më së shumti ishte ajo në mes Barcelonës dhe Real Madridit në vitin 2011 dhe 32-vjeçari ka thënë se ajo vazhdon të mbetet në kujtesën e tij.

“Ndeshja që e mbaj ende në mend është ajo ndaj Real Madridi ku fituat 2-0 në prill të vitit 2011. Nuk e di nëse ishte ndeshja më e mirë e jona, por më ka mbetur në memorie”.

Messi ka thënë po ashtu se trajneri më i mirë në karrierën e tij është padyshim Pep Guardiola që ndërtoi një skuadër të frikshme në Camp Nou dhe kishin fituar shumë trofe së bashku.

“Guardiola është më i miri nga të gjithë. Luis Enrique ishte shumë afër (i dyti).Momenti më i mirë në karrierë? Është e vështirë ta zgjedhi një”.

“Isha shumë me aftë që kam jetuar në epoka të ndryshme të futbollit, por koha me Guardiola mendoj se është më e mira”, ka shtuar më tej Messi. 

Si do ta vlerësoni këtë lajm?

Komentet

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Po ngarkohet...

0

Komente

0 komente

Rrumbullakosi 200 ndeshje, Barça përgatit dhuratën e madhe për Ter Stegen

Rrumbullakosi 200 ndeshje, Barça përgatit dhuratën e madhe për Ter Stegen

Messi: Dëshiroja që Ronaldo të qëndronte te Real Madridi